Lahat Kayong Mga Banal sa Kalangitan, Ipanalangin Nyo Kami
Kapistahan ng Lahat ng mga Banal Ebanghelyo: Mateo 5:1-12a Mapapalad! Iniaalok ni Jesus sa lahat ang regalo ng tunay na kaligayahan. Ipinagkakamali ng mga tao ang “kaligayahan” sa “kasiyahan” o ang “pagiging maligaya” sa “pagkadama ng sarap at kasiyahan.” Tunay na espirituwal ang kaligayahan, sapagkat kaganapan mismo ito ng tao. Ngunit kasiyahan ang hinahanap ng marami at hindi kaligayahan kaya naman napakalaki ang kinalaman ng Mapapalad sa buhay ng tao. Tampok sa misyon ni Jesus ang kanyang pagmamalasakit at pagkalinga sa mga mahihirap. Kinalulugdan Niya ang mga taong may mgandang kalooban sa mga maliliit at itinatakwil ng lipunan. Ang gantimpalang kaligtasan at kapayapaan para sa ating lahat ay nakaugat sa ating kakayahang magmahal at maglingkod sa kapwa. Ang ipinapahayag ng ebanghelyo na ang pananampalataya sa Diyos ay isang buhay at laging kumikilos para sa ikabubuti ng kapwa. Tayong lahat ay huhusgahan ayon sa kabutihang nagawa natin para sa maliliit at para sa ikauunlad ng