Enero 15, 2021 Biyernes ng Unang Linggo ng Karaniwang Panahon Pagninilay sa Ebanghelyo- Marcos 2: 1-12 Ang pagbasa sa Ebanghelyong ito ay nagsimula sa pagbabalik ni Jesus sa Capernaum pagkatapos na siya mawala ng ilang araw. Mabilis na kumalat ang balita na si Jesus ay bumalik na at maraming tao ang nagsimulang magtipon upang marinig nila si Jesus na nangangaral; sabik silang makinig sa Kanyang mga salita. Gayunpaman, walang simpleng lugar para sa lahat ng mga tao! Habang nangangaral si Jesus, may mga taong dumating dala ang isang paralisadong lalaki na buhat-buhat ng apat. Subalit napapalibutan si Jesus ng napakaraming tao at hindi sila makagawa ng landas sa karamihan ng tao upang makalapit kay Jesus. Pagkalipas ng ilang oras, nagpasya ang mga tagadala na alisin ang tisa ng terasang nasa ibabaw ng kinaroroonan ni Jesus at ng mabuksan ay maingat nilang ibinaba ang paralisadong lalaki na nasa higaan. Nang makita ni Jesus ang labis na pananampalataya ng mga taong ito, sinabi niya sa pa