"Parang mga tupang walang pastol......"
Mk. 6:30-34 (Ika-16 na Linggo sa Karaniwang Panahon) Noong nakaraang buwan ng Mayo, taong kasalukuyan, nagkaroon ng “outing” kaming mga empleyado ng pamahalaang bayan ng Aliaga sa pangunguna ng aming Mayor sa isang beach sa Morong, Bataan. Kasama rin namin doon ang Provincial Director ng Civil Service Commission. Hindi lamang isang “outing” ang naging sadya namin doon kundi sa gabi ay magkakaroon din kami ng Capacity Team Building Seminar na ang magsasagawa ay ang director ng CSC. Sa aming seminar may isang bahagi ito na kung saan hinati ang lahat sa limang grupo para magsasagawa ng isang “workshop”. Ang bawat grupo ay binigyan ng magkakasindaming bilang ng “straw”. At ang mga “straw” na ito ay gagamitin ng bawat grupo para bumuo ng isang “tower” o tore na yari sa “straw”. At kailangang mayari ito sa loob ng sampung minuto. Nang ibigay ang hudyat para magsimula, nagkagulo na ang lahat. Marami ay nataranta. Ang iba ay hindi malaman ang gagawin. Merong nagtatalo-talo kung paano magsis